Enthinnu Bharadhare Karayunnu

''നിങ്ങള്‍ക്കൊക്കെ ഇന്ത്യയുടെ സമീപകാലചരിത്രം ഓര്‍മ്മയുണ്ടാകുമെന്ന് കരുതുന്നു. 1975 ല്‍ ഇതേപോലൊരു സംഭവവികാസം നടക്കുകയുണ്ടായി. അന്നു നിങ്ങളോ നിങ്ങളുടെ പത്രങ്ങളോ പ്രതിഷേധിച്ച് ഒരു വരിപോലും എഴുതിയതായി കണ്ടില്ല.'' ഇന്ത്യന്‍ ബുദ്ധിജീവികളുടെ ഭീരുത്വത്തെയും അവസരവാദത്തെയും കാപട്യത്തെയും ഇതില്‍ക്കൂടുതല്‍ എങ്ങനെയാണ് അനാവരണം ചെയ്യുക. ഇതുപോലെ പ്രസക്തമായ മറ്റൊരു വിഷയമാണ് ഇന്ത്യയിലെ വര്‍ഗ്ഗീയലഹളകള്‍. വര്‍ഗ്ഗീയലഹളകള്‍ തനിയെ പൊട്ടിപ്പുറപ്പെടുന്നതല്ല, സ്ഥാനമാനങ്ങള്‍ക്കും പണത്തിനും വേണ്ടി മതവും അധികാരവും ഉണ്ടാക്കുന്നതാണ് എന്ന പരമസത്യം ഈ നാടകം വെളിപ്പെടുത്തുന്നു. പരീക്ഷണ നാടകത്തിന്റെ ആടയാഭരണങ്ങളില്ലാതെ സമകാലീനഭാരതം അനുഭവിക്കാന്‍ പോകുന്ന ഒരു മഹാദുരന്തത്തിന്റെ ശക്തമായ സൂചനകള്‍ നല്കുന്ന ഒരു രാഷ്രീയ നാടകമാണ് എന്തിനു ഭാരതധരേ കരയുന്നു. കൃതഹസ്തനായ കെ എം ആറിനു തന്റെ കാലത്തിന്റെ ഹൃദയസ്പന്ദനം ആവാഹിച്ചു രംഗവേദിയില്‍ അവതരിപ്പിക്കാന്‍ കഴിഞ്ഞുവെന്നതില്‍ അഭിമാനിക്കാം. പിരപ്പന്‍കോട് മുരളി