Joseph Roth
ആസ്ട്രോ-ഹംഗേറിയന് സാമ്രാജ്യത്തിന്റെ ഭാഗമായിരുന്ന ഉക്രെയിനില് ഒരു ജൂത കുടുംബത്തില് 1894 ല് ജനിച്ചു. വിയന്ന സര്വ്വകലാശാലയില് വിദ്യാഭ്യാസം പൂര്ത്തിയാക്കി. പത്രപ്രവര്ത്തനം തൊഴിലായി സ്വീകരിച്ചു. ഇടയ്ക്ക് ആസ്ട്രോ-ഹംഗേറിയന് ആര്മിയില് സേവനമനുഷ്ഠിച്ചു. ആസ്ട്രോ-ഹംഗേറിയന് സാമ്രാജ്യം തകര്ന്നപ്പോള് വേരുകള് അറ്റുപോയതിന്റെ തീവ്രവേദനയില്പെട്ടു. ദ സ്പൈഡേഴ്സ് വെബ്, ഹോട്ടല് സാവോയ്, ദ റബല്യന്, റൈറ്റ് ആന്റ് ലഫ്റ്റ്, റെഡെറ്റ്സ്കി മാര്ച്ച്, ദ അനാര്ക്കിസ്റ്റ്, കണ്ഫഷന് ഓഫ് എ മര്ഡറര്, ദ ലെവിയത്താന് തുടങ്ങി ഇരുപതിലേറെ നോവലുകളും ദ വാണ്ടറിങ് ജ്യൂ, റിപ്പോര്ട്ട് സ്ഫ്രം ബര്ലിന്, ദ വൈറ്റ് സിറ്റി തുടങ്ങി ആറിലേറെ നോണ് ഫിക്ഷന് രചനകളും നടത്തി. റോത്തിന്റെ പതിനാറ് രചനകള് ചലച്ചിത്രമാക്കിയിട്ടുണ്ട്. അളവുകളും തൂക്കങ്ങളും എന്ന നോവല് 1956 ലും 1971 ലും ചലച്ചിത്രമാക്കപ്പെട്ടിട്ടുണ്ട്. 1939 മേയ് മാസത്തില് പാരീസില്വച്ച് ജോസഫ് റോത്ത് മരണമടഞ്ഞു.
Filter
Shopping Options
Featured
