Skip to main content

കേരളം ആറു പതിറ്റാണ്ടുകള്‍ PRE PUBLICATION

 വിവിധ മേഖലകളിലുണ്ടായ പരിവര്‍ത്തനങ്ങളെ അടയാളപ്പെടുത്തുന്ന ഒരു സമഗ്ര ചരിത്ര ഗ്രന്ഥപരമ്പര ചിന്ത പബ്ലിഷേഴ്സ് പ്രസിദ്ധീകരിക്കുകയാണ്.
രാഷ്ട്രീയം, സംസ്‌കാരം, ഭാഷ, സാഹിത്യം, ഭരണസംവിധാനം, നീതി നിര്‍വ്വഹണം, സാമൂഹ്യക്ഷേമം, പരിസ്ഥിതി, ആരോഗ്യം, വിദ്യാഭ്യാസം, ദളിത്-ആദിവാസി ജീവിതം, സ്ത്രീപദവി, പ്രവാസ ജീവിതം, ന്യൂനപക്ഷം, കൃഷി, വ്യവസായം, ജലം, അടിസ്ഥാനസൗകര്യം, ട്രേഡ് യൂണിയന്‍, ബാല്യ-കൗമാരം, വിദ്യാര്‍ത്ഥി, യുവജനം, ശാസ്ത്ര മുന്നേറ്റം എന്നിങ്ങനെ 60 മേഖലകളിലെ കേരളവുമായി ബന്ധപ്പെട്ട വികാസ ചരിത്രം വസ്തുനിഷ്ഠമായി അടയാളപ്പെടുത്തുന്നതാണ് ഈ ഗ്രന്ഥപരമ്പര. പുസ്തകപ്രസാധന ചരിത്രത്തിലെ നൂതന സംരംഭമാണിത്. ഐക്യകേരളത്തിന്റെ സമഗ്ര ചരിത്രം അടയാളപ്പെടുത്തുന്നതോടൊപ്പം, വരുംകാലത്തിലെ വികസന സങ്കല്പങ്ങള്‍ക്കും പ്രായോഗിക പ്രവര്‍ത്തനങ്ങള്‍ക്കുമുള്ള മാര്‍ഗ്ഗരേഖ കൂടിയാണീ ചരിത്രഗ്രന്ഥം.
വിഷയങ്ങളുടെ സമാന സ്വഭാവത്തിന്റെയും പാരസ്പര്യത്തിന്റെയും അടിസ്ഥാനത്തില്‍ അവയെ വര്‍ഗ്ഗീകരിച്ച് 10 വാല്യങ്ങളായിട്ടാണ് ഈ ഗ്രന്ഥപരമ്പര പ്രസിദ്ധീകരിക്കുന്നത്. അതാത് മേഖലകളിലെ പ്രശസ്തരും വിദഗ്ദ്ധരുമാണ് ബന്ധപ്പെട്ട വിഷയ വിവരണം ആധികാരികമായി തയ്യാറാക്കിയിട്ടുള്ളത്.

വാല്യം 1-എഡിറ്റര്‍: ഡോ. സി ഭാസ്‌കരന്‍
കൃഷി . മൃഗസമ്പത്ത് . മത്സ്യം . ജലം . വനം . ഭൂപരിഷ്‌കരണം
വാല്യം 2-എഡിറ്റര്‍: ഡോ. പി എസ് ചന്ദ്രമോഹന്‍
ഊര്‍ജ്ജം . വ്യവസായം . ടൂറിസം . ഐ ടി . കൈത്തറി, ഖാദി . വാണിജ്യം
വാല്യം 3-എഡിറ്റര്‍: വി എന്‍ ജിതേന്ദ്രന്‍
സാമൂഹ്യക്ഷേമം . വാര്‍ദ്ധക്യം . സ്ത്രീപദവി . ബാല്യം, കൗമാരം . പ്രവാസം . സുരക്ഷയും കുറ്റകൃത്യവും
വാല്യം 4-എഡിറ്റര്‍: ഡോ. എന്‍ കെ ജയകുമാര്‍
ഭരണം . നിയമം . ബാങ്കിങ് . സഹകരണം . അധികാര വികേന്ദ്രീകരണം.സന്നദ്ധസേവനം
വാല്യം 5-എഡിറ്റര്‍: പ്രൊഫ. സി പി അബൂബക്കര്‍
ന്യൂനപക്ഷം . ആദിവാസി . ദളിത് . മാപ്പിളസാഹിത്യം . കുടിയേറ്റം
വാല്യം 6-എഡിറ്റര്‍: ഡോ. ബി ബാലചന്ദ്രന്‍
മതം, ജാതി, ആത്മീയത . വസ്ത്രം . നാടകം .  ചിത്രകല .ശാസ്ത്രീയകലകള്‍ . ഫോക്ലോര്‍
വാല്യം 7-എഡിറ്റര്‍: കെ കെ കൃഷ്ണകുമാര്‍
വിദ്യാഭ്യാസം . സാങ്കേതിക വിദ്യാഭ്യാസം . ശാസ്ത്ര മുന്നേറ്റം . ആരോഗ്യം . പരിസ്ഥിതി . കായികരംഗം
വാല്യം 8-എഡിറ്റര്‍: ഡോ. കെ എസ് രവികുമാര്‍
ഭാഷ, സാഹിത്യം . സാംസ്‌കാരികം . സംഗീതം .  സിനിമ . മാധ്യമം . ഭക്ഷണം
വാല്യം 9-എഡിറ്റര്‍: ഡോ. ഡി ജയദേവദാസ്
രാഷ്ട്രീയം . ചരിത്രം . സാമ്പത്തികം വിദ്യാര്‍ത്ഥി . യുവജനം
വാല്യം 10-എഡിറ്റര്‍: ഡോ. എം പി സുകുമാരന്‍ നായര്‍
അടിസ്ഥാന സൗകര്യം . പാര്‍പ്പിടം . വാസ്തുവിദ്യ . തൊഴില്‍ . കരകൗശലവും കൈവേലക്കാരും .  ട്രേഡ് യൂണിയന്‍ രംഗം . ബഹുജനസംഘടനകള്‍

പലവിധ വൈരുദ്ധ്യങ്ങളും നിലനില്ക്കുന്ന ഒരു സമൂഹത്തിലാണ് മലയാളികള്‍ ജീവിക്കുന്നത്. ഗൃഹാതുരത്വവും യാഥാസ്ഥിതികതയും ഉപരിപ്ലവമായ ആധുനികതയുമൊക്കെ അതിന്റെ ഭാഗമാണ്. കഴിഞ്ഞ ആറ് പതിറ്റാണ്ടുകളിലെ പരിവര്‍ത്തനങ്ങളുടെ വിവരണങ്ങള്‍ ഈ ഗ്രന്ഥപരമ്പരയുടെ വിവിധ ദളങ്ങളില്‍ സമാഹരിച്ചിട്ടുണ്ട്. അവ ആകാവുന്നത്ര സമഗ്രവും സമ്പൂര്‍ണ്ണവുമാണ്. കേരളത്തിന്റെ കഴിഞ്ഞ ആറ് പതിറ്റാണ്ടുകളുടെ ചരിത്രം പഠിക്കാന്‍ ശ്രമിക്കുന്ന ആര്‍ക്കും അടിസ്ഥാന വിവരങ്ങള്‍ ലഭ്യമാക്കാന്‍ അവ സഹായകരമാകും

BUY NOW

ലെസ്‌ബോസ് മലയാളത്തിലെ ലെസ്ബിയന്‍ കഥകള്‍ (അവലോകനം)

സ്വാതന്ത്ര്യമെന്നാല്‍ ലൈംഗിക സ്വാതന്ത്ര്യം കൂടിയാണ്. സ്ത്രീയും സ്ത്രീയും തമ്മിലുള്ള അനുരാഗം അസംബന്ധമെന്നു ഗണിച്ചിരുന്നൊരു കാലമുണ്ട്. ഇപ്പോഴും അങ്ങനെ കരുതുന്നവരുമുണ്ട്. ലൈംഗികതയിലെ ഭിന്നാഭിരുചികളെ ജനാധിപത്യപരമായി അഭിസംബോധന ചെയ്യേണ്ടത് പരിഷ്‌കൃത സമൂഹങ്ങളുടെ ഉത്തരവാദിത്വമാണ്. മനുഷ്യശരീരത്തെയും മനുഷ്യകാമനകളെയുംപറ്റി കൂടുതല്‍ ശാസ്ത്രീയ ധാരണകള്‍ ഇന്നുണ്ട്. എതിര്‍ലിംഗങ്ങളോടുതന്നെ ലൈംഗികാഭിനിവേശം ഉടലെടുക്കണമെന്നില്ല എന്നും ഭിന്നാഭിരുചികള്‍ സ്വാഭാവികമാണെന്നും ഇന്നു തിരിച്ചറിയുന്നു. ഈ ജീവിതാവസ്ഥകളോട് മലയാളത്തിലെ ചെറുകഥാ പ്രതിഭകള്‍ തങ്ങളുടെ രചനകളിലൂടെ പ്രതികരിച്ചിട്ടുണ്ട്. 1947 ല്‍ മാധവിക്കുട്ടി, മാതൃഭൂമി ആഴ്ചപ്പതിപ്പില്‍ എഴുതിയ 'സ്ത്രീ' വായനക്കാരെ ഞെട്ടിച്ചുവെങ്കിലും ലെസ്ബിയന്‍ കഥയെന്ന പേരില്‍ അതു തിരിച്ചറിയപ്പെട്ടോയെന്നു സംശയമാണ്. എന്നാല്‍ മാധവിക്കുട്ടിയുടെ ചന്ദനമരങ്ങള്‍ ആ രീതിയില്‍ ചര്‍ച്ച ചെയ്യപ്പെട്ടു. മാധവിക്കുട്ടി മുതല്‍ ഇന്ദുമേനോന്‍ വരെയുള്ള മലയാള കഥാകൃത്തുക്കളുടെ ശ്രദ്ധേയമായ ലെസ്ബിയന്‍ കഥകളുടെ സമാഹാരമാണീ പുസ്തകം.

ഉത്തര (അവലോകനം)

ഇനിയും ഈ രാജ്യത്ത് ഒരു ദേവദാസിയും ജനിക്കാതിരിക്കട്ടെ എന്ന സന്ദേശത്തോടെ അനാചാരങ്ങള്‍ക്കെതിരായി ആര്‍ത്തിരമ്പുന്ന യുവതയുടെ ചിത്രം കാട്ടിത്തന്ന് അനിതാദാസ് പറയുന്നത് ഉത്തര എന്ന ദേവദാസിയുടെ ജീവിത കഥയാണ്. ഉച്ചുംഗിമലയിലെ ശ്രീദുര്‍ഗ്ഗാ ദാസിയാവാനൊരുങ്ങുന്നതു മുതല്‍ താനൊരിക്കല്‍ തന്റെ ജീവനായി കരുതി സ്‌നേഹിച്ചിരുന്ന കാമുകന്റെ കൈകളില്‍ വീണൊടുങ്ങുന്നതുവരെയുള്ള ജീവിതം സരസമായി വിവരിച്ചിരിക്കയാണ് ഗ്രന്ഥകാരി ഉത്തര എന്ന ഈ നോവലില്‍. തികച്ചും വായനാസുഖമുള്ള ഈ നോവല്‍ വന്‍തോതില്‍ സ്വീകരിക്കപ്പെടും എന്ന് ഞങ്ങള്‍ പ്രതീക്ഷിക്കുന്നു.

തിളച്ചമണ്ണില്‍ കാല്‍നടയായി

പുതുശ്ശേരി രാമചന്ദ്രന്റെ ആത്മകഥയായ തിളച്ചമണ്ണിൽ കാൽനടയായി എന്ന പുസ്തകത്തിന്റെ റോയൽറ്റി തുക പ്രളയ ദുരിതാശ്വാസത്തിന്.

ഇരുപതാം നൂറ്റാണ്ടില്‍ കേരളമണ്ണിനെ ചൂടുപിടിപ്പിച്ച ഒട്ടേറെ പരിവര്‍ത്തന, സ്വാതന്ത്ര്യസമരപ്രസ്ഥാനങ്ങളുടെ നടുവിലൂടെയാണ് ഡോ. പുതുശ്ശേരി രാമചന്ദ്രന്‍ നടന്ന് മുന്നേറിയത്. വൈവിദ്ധ്യമാര്‍ന്ന അത്തരം അനുഭവങ്ങളാണ് അദ്ദേഹത്തിന്റെ സാംസ്‌കാരിക ജീവിതത്തിന്റെ ഭൂമിക. കവി, ഭാഷാഗവേഷകന്‍, അദ്ധ്യാപകന്‍ എന്നീ നിലകളില്‍ അദ്ദേഹം ഏറെ ആദരിക്കപ്പെട്ടു. ഭാഷയ്ക്കും സാഹിത്യത്തിനും എന്നെന്നും ഓര്‍മ്മിക്കാവുന്ന സംഭാവനകള്‍ നല്കി. ലോകമലയാള സമ്മേളനത്തിലൂടെ ലോകത്തിന്റെ മുന്നില്‍ മലയാളത്തിന്റെ സ്ഥാനം ഉയര്‍ത്തിക്കാട്ടി. ആ അനുഭവങ്ങളുടെ രേഖാരൂപമാണ് തിളച്ചമണ്ണില്‍ കാല്‍നടയായി എന്ന ആത്മകഥ.

കാലം മറക്കാത്ത കഥകള്‍

കെ. ആർ. മല്ലിക എഡിറ്റ് ചെയ്ത് ചിന്ത പ്രസിദ്ധീകരിച്ച 'കാലം മറക്കാത്ത കഥകൾ' എന്ന കഥാ സമാഹാരത്തിന്റെ റോയൽറ്റി തുകയായ ഒരു ലക്ഷം രൂപ പ്രളയ ദുരിതാശ്വാസത്തിലേക്ക് സംഭാവന ചെയ്തു.
കാലത്തിനു മുന്നില്‍ കഥകള്‍കൊണ്ട് സ്ഥാപിച്ച അടയാളങ്ങളുടെ വീണ്ടെടുപ്പാണ് ഈ കൃതി. അറുപതു വയസ്സായ കേരളത്തിന് ചിന്തയുടെ ഉപഹാരം.