ജനനം 26 ഫെബ്രുവരി 1802. മരണം 22 മേയ് 1885. ഫ്രഞ്ചുകവിയും നോവലിസ്റ്റും നാടകകൃത്തും. ഫ്രഞ്ച് റൊമാന്റിക് എഴുത്തുകാരില് ഏറ്റവും പ്രശസ്തനായി കരുതപ്പെടുന്നു. കവിയെന്ന നിലയ്ക്കാണ് ഹ്യൂഗോ പ്രശസ്തിയിലേക്കുയര്ന്നത്. നോവലിലും നാടകരചനയിലും ലഭിച്ച ഖ്യാതി അദ്ദേഹത്തിന്റെ പ്രശസ്തിക്ക് മാറ്റുകൂട്ടി.
യുവാവായ ഹ്യൂഗോ ഒരുറച്ച രാജപക്ഷപാതിയായിരുന്നുവെങ്കിലും ദശകങ്ങള് കഴിഞ്ഞതോടെ റിപ്പബ്ലിക്കനിസത്തിന്റെ കടുത്ത പിന്തുണക്കാരനായി മാറി. അദ്ദേഹത്തിന്റെ കൃതികള് രാഷ്ട്രീയവും സാമൂഹ്യവുമായ മിക്ക പ്രശ്നങ്ങളെയും, തന്റെ കാലത്തെ കലാപരമായ പ്രവണതയെയും പരാമര്ശിക്കുന്നവയായിരുന്നു.