Skip to main content
Submitted by admin on Mon, 12/03/2018 - 11:03

ഒറ്റയ്ക്ക് നിന്നു പൂത്തുലയുന്ന മരങ്ങള്‍ പോലെയാണ് ഷീബ ഇ കെയുടെ രചനകള്‍. വേറിട്ടു നില്ക്കുമ്പോഴും ഭൂമിയുടെ ആഴപ്പരപ്പുകളില്‍ത്തന്നെയാണതിന്റെ നില. ഒറ്റപ്പെടലിന്റെയും പ്രവാസാനുഭവത്തിന്റെയും വിങ്ങലുകള്‍ പേറുന്ന അഞ്ചുനോവലെറ്റുകളാണ് ഈ കൃതിയില്‍ ചേര്‍ത്തിട്ടുള്ളത്. വലിയ കൊടുങ്കാറ്റുകളല്ല ചെറിയ ഇലയനക്കങ്ങളാണ് ഇതിലെ കഥാപാത്രങ്ങളെ ഉലയ്ക്കുന്നത്. പ്രകൃതിയും ജനനിബിഡ ഇടങ്ങളും ഈ നോവലെറ്റുകളില്‍ കഥാപാത്രമാകുന്നു. നേര്‍ത്ത കുളിരുള്ള ഒരുപ്രഭാതം പോലെ പ്രസന്നമായ ചെറുനോവലുകളുടെ ലോകത്തിലേക്ക് നമ്മെ കൂടെക്കൂട്ടുന്നു ഈ എഴുത്തുകാരി.