കറുത്തവനായ ഒഥല്ലോയെ കണ്ടിരിക്കുക എന്നതുതന്നെ വേദനാജനകമാണ്. അഞ്ചു നൂറ്റാണ്ടായി ഒഥല്ലോ എന്ന കറുത്ത മനുഷ്യന്റെ ദുരന്തകഥ ഇത്രയേറെ രംഗവേദികളില്‍ അരങ്ങേറിയിട്ടും കറുത്തവനോടുള്ള മനോഭാവത്തില്‍ കാര്യമായ മാറ്റമൊന്നും വെളുത്തവര്‍ക്ക് ഉണ്ടായിട്ടില്ല.'' - ബെന്‍ ഒക്രി
ഷേക്‌സ്പിയറുടെ നാടകം ലോകത്ത് എവിടെയെങ്കിലും എന്നും അരങ്ങേറുന്നുണ്ടാവും, തനതുരൂപത്തിലും പുത്തന്‍ വ്യാഖ്യാനങ്ങളുടെ രൂപത്തിലും. അത്രയേറെ ആകര്‍ഷിക്കാന്‍ എന്താണീ നാടകത്തില്‍ ഉള്ളത്. ഒഥല്ലോ നാം തന്നെയാണ്. അല്ലെങ്കില്‍ ഓരോ ഒഥല്ലോയെയും ചുമന്നാണ് നമ്മുടെ നടത്തം. മലയാളത്തിലെ ശ്രദ്ധേയമായ നാടകകൃത്തായ എം എന്‍ വിനയകുമാര്‍ സര്‍റിയലിസത്തിന്റെ സാദ്ധ്യതകള്‍ യമദൂതില്‍ പരിശോധിക്കുന്നു. മരണത്തിന്റെ തണുപ്പും നിശ്ശബ്ദയുടെ വിഹ്വലതയും ആദ്യാവസാനം അനുഭവിപ്പിക്കുന്ന നാടകമാണ് യമദൂത്. ഷേക്‌സ്പിയറിന്റെ നാടകത്തില്‍നിന്നും ഒഥല്ലോ, ഇയാഗോ, ഡെസ്ഡിമോണ തുടങ്ങിയവരുടെ മരണശേഷമുള്ള കുറച്ചു സമയമെടുത്ത് പ്രേക്ഷകര്‍ക്കു നല്കുകയാണ് യമദൂതില്‍.
7994678841